Arjatluovi dološ giliid birra muitalii Ann-Charlotte Sjaggo
1 av 4
Juohke gávnnadeamis lea fáddá, ja dán gearddi muitalii Sjaggo dološ sámi gillid birra. Foto: Jonny Skoglund
Gávnnadeapmi prošeavttas besset vuorrasat geat orrut ruovttus ja boarrásiidsiiddain deaivvadit
2 av 4
Mailis Isaksson ja Martin Sjaggo gáfestallamin ja boradeamin ovdal logaldallama. Foto: Jonny Skoglund
Gávnnadeapmi
3 av 4
Elsa Söderberg ja Lennar Jonsson guoktá mielas lea gávnnadeapmi buorre fálaldat. Foto: Jonny Skoglund
Gávnnadeapmi
4 av 4
Ann-Charlotte Sjaggo guossoheamin gáffevuosttá gussiide. Foto: Jonny Skoglund

Sámi seniordeaivvadeapmi lea šaddan bivnnut Árjatluovis

Gávnnadeapmi lea Árjatluovi sámi vuorrasiid deaivvadanboddu, ja Ann-Charlotte Sjaggo lea Arjatluovi giellabargi ja son muitala ahte dat lea vuorrasiid várás geat orrut boarrásiidsiiddain ja ruovttuin.

 - dat lea almmažat geat heaimmain orrut ja almmažat geat dán Vauka stohpun orrut 

Sjaggo muitala ahte gielda lea geatnegahtton addit sámegiela ja kultuvra bálvalusa vuorrasiidda go lea sámegiela hálddašangieldan. Danin leat álggahan dán prošeavtta ja son muitala ahte vuorrasat geat ruovttuin ja boarrásiidsiiddain orrut besset deaivvadit ja sidjiide lea hávski go besset gáfestallat ja servvoštallat eará vuorrasiin ja ustibiin.   

Dá lei njealját deaivvadeapmi Gávnnadeami prošeavttas. Earret boradeapmi, gáfestallan ja servvoštallan, de lea juohke deaivvadeamis fáddá ja Vaukagårdenis besse gullat dološ sámi giliid báikenamaid rievdama birra. Ollu báikenamain lea sámegiela báikenamma vuođđun, nugo gilli "Kasken", vuolgá sámegiela báikenamas "Gaskajávri". Sjaggo muitala ahte son háliida čájehit ahte dát gilit leamaš sámi siiddat ovdal. 

Eatnašat eai dieđe ja eaige jurddaš ahte ollu gilit leamaš sámi gillin ovdal go ruoŧelaččat válde badjelasas daid. Sámi historjjá oaidnu lea rievdan Arjatluovis ja dat dohkehuvvo eanet dál, muitala Sjaggo.

 

Jonny Skoglund

Sameradion/Svt Sápmi

 

 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".