1 av 2
Beaivváš sámi našunálateáhtera Johan Turi čájálmas
2 av 2
Beaivváš sámi našunálateáhtera Johan Turi čájálmas Foto: Marja Påve/ Sameradion & SVT Sápmi

Johan Turi čájálmas su ruovttuguovllus

Beaivváš Sámi našonálateáhtera čájálmas Johan Turi lea johtime, ikte čájehuvvui Turi ruovttoguovllus, Čohkkirasas. Maŋisboahttit ja guovllu olbmot ledje boahtán geahččat.

Inslaget är textat: Beaivváš Johan Turi föreställning är på turné. I publiken i Jukkasjärvi fanns Turis släkt och Turi-expert.

Johan Turi muitalusat lávdde nalde Čohkkirasas, Giron gielddas, dát guovlu mii leai Turi ruoktu ja gosa hávdáduvvui 1937.

- Johan Turi leai dego dutki, son muitalii beare dan maid diđii, jus ii diehtán dan de logai ahte dán son lea gullan. Muhto nubbi vel, son leai nu dárkil, čilgii visot mii leai ja leai ieš leamaš álo mielde, vaikko čálii ahte sáhttá dáhpáhuvvan, muhto dat leai duođas dáhpáhuvvan danin go Johan Turi čálii beare dan maid ieš leai vásihan ja dat boahtá ovdán máŋgga ládje su čállosiin, dadjá sámegielprofessor Mikael Svonni gii lea lohkan Turi giehtačállosiid ja olu bargan su teavsttaiguin.  

Čájálmas ii leat biografija Johan Turis, das earet iežá čuovvut Turi, Emilie Demant Hatt ja Hjalmar Lundbohm gaskavuođa. Iŋgot Ánte Áilu Gaup neakta Johan Turi ja liikui boahtit Čohkkirassii dainna.

- Hui erenoamáš ja go mon dihten ahte Johan Turi maŋisboahttit, fuolkkit leat maid dápe, dat attii hui erenoamáš buori dovddu. Ja dat dovdu buorren ahte mii beassat muitalit dakkár dili mii guoská visot sápmái dal, nie go dat lávdehábmen lea bidjon ahte dat ruvki duolvvida visot daid váriid ja diekkár áita han lea miehtá máilmmi dal.

Čájálmas álgá teavsttain Johan Turi girjjis mas muitala sámiid dili birra 1900 logu álgogeažin. Turi ealii boazobargin Dálmmá čearus, nuortabealde Durdnosa ja leai akta dein vuosttaš sámi girječálliin.

- Dat leai mu áhči čeahci. Dat leai somá oaidnit dán teáhtera, in leat aginis oaidnán su go lea áigá dolin jápmán. In lea lohkan dan girjji, muhto mus lea gal dat girji, dadjá Ann Mari Thuuri, Čohkkirasas. 

- Hui buorre čájálmas ja hui čeahpes neavttárat ja somá go ledje olu olbmot geahččame. Muhto mon ožžon sullii seammelágán dovddu dego go mon oidnen Åsa Larssona filmma maid mon lean jorgalan sámegillii, dat filbma ii lean seamme go girji ja dát leai maid seammeládje ahte dát ii lean dat govva maid mon lean ožžon Johan Turi, Emilie Demant Hatt ja Hjalmar Lundbohme gaskavuođas, muhto dat leai vehá iežá muhto dat leai hui buorre, dadjá Mikael Svonni. 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".