2 ungdomar sitter i Samegården
1 av 3
Salomea Gosenius med klasskompisen Victor Enhörning. Foto: Anneli Marainen, Sameradion & SVT Sápmi
Nils Joel Partapuoli står i Samegården
2 av 3
Nils Joel Partapuoli Foto: Anneli Marainen, Sameradion & SVT Sápmi
Inga Maria Stoor står vid en tavla
3 av 3
Inga Maria Stoor Foto: Anneli Marainen, Sameradion & SVT Sápmi
Giron/Kiruna

Eanet máhttu sámi kultuvrra birra lea deaŧálaš

Salomea Gonsenius: Halidan eastadit ovdagáttuid
2:02 min

Nuorat lulliruoŧas leat boahtán Gironii oahppat earret ieža sámiid kultuvrra birra. Sin mielas lea oba imaš go eai leat ovdal oahppan sámiid birra.

- Mu mielas sámi kultuvra lea hirbmat gelddolaš ja lea deaŧálaš oahpastuvvat dainna. Mii lulliruoŧas eat beasa oahppat nu ollu sámiid birra skuvlaoahpus ja dat ferte rievdaduvvot ja buoriduvvot, dadjá Salomea Gosenius.

Salomea vážžá maŋimus jagi Luonttudieđaprográmma, Malmö Latinskuvllas ja son lea okta dain 15 nuorain geat deaivvadedje Girona Sámiviesus. Golbma sámi nuora ledje muitaleamin sin eallima birra ja movt dat lea leahkit nuorra sápmelaš ruoŧa servvodagas.

-Mon anan dat lea hui buorre, dat lea suohtas munnje go mon oahpan ieš ollu muhto eanemusat mon sáhtán oahpahit ieža olbmuid mu eallima ja mu árvvu birra, danin go dat lea nu unnan oahppu dego skuvllas ja ieža báikkiin Ruoŧas ahte dat lea váttis oahppat albmaládje sámiid birra jus ii sámiid čađa, dadjá Nils Joel Partapuoli.

Okta oassi Salomea oahpahusas lea boahtit Gironi geahččat ruvkki ja fitnat Esranges. Váikko dán mátki váldoulbmil ii leat oahppat sámi kultuvrra birra de dat lea leamšan deaŧálaš.

- Mu mielas lea deaŧálaš oahppu ja háliidan fievrridit vidaseappot ođđa máhtu go leat nu ollu ovdagáttut ja árgabeaivvi rasisma sámiid vuoste, juste danin go eai leat ovdal oahppan, dadjá son.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".