Plásstavuossaaddnem unnu

Svierigin dal oasteduvvu bielle binnep plásstavuossaj gå gidán. Dav maŋŋela gå ådå láhka doajmmagådij. Ulmutja mielas dat la buorre.

Svierigin la njuolgadus ahte boargála hähttuji diededit birásvahágahttema birra, ahte dat la váralasj.

Ájádalá gus dån dav badjel gå oasstá vuossajt?

- Mån bruvkkuv oasstet vuossajt. Iv mån goassak mujte váldet maŋen. Juohkka bále gå mån vuojnáv diŋŋgavuossav ja plásstavuossav mån huomahav ahte mujna ham la diŋŋgavuossa hejman ja de oastáv plásstavuossav ienni, javlla Girste Allas.  

Ruvva li vihtta máno mannam dán rájes gå ådå EU-njuolgádus doajmmagådij Svierigin, gájka boargála gudi vaddi jali vuobddi plásstavuossajt hähttuji diededit man stuor birásvahágahttem plásstavuossa dahki. Dal li boargála álggám válldet mávsov vuossaj åvdås.

- Muv mielas dat la buorre, dat la ilá ålo plássta väráldin. Mån lav aj gähttjalime unnedit plásstavuossaadnemav, javlla Stefan Hult.

SVT la gatjádam Svieriga vihtta stuoremus bivtasboargálij jus dá ådå njuolgadusá li rievdadam juojddá. Dav dat la dahkam. Bielle binnep plásstavuossajs dal oasteduvvu, gå gidán. Åtsådallam vuoset dat la buorre luonnduj.

Anna Kärmman dosenta biráskemidjan, Örebro universitähttan åtsådalla dajt stuora jávrijt Svierigin ja väráldaábijt gånnå gávnni ållu plástav.

- Ij le álkke dálága vuojnnet jus plássta unnu, valla mij diehtep gåk rievdadit iellemav nåv vaj vijor buorrán, javlla Anna Kärmman.

Suoman la ulmme aj unnedit plásstavuossaadnemav. Vuonan aj ájádalli dáv ássje birra valla siján ij la mierredus váldet ienep mávsov plásstavuossajs.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade ljud i menyn under Min lista