Agnes Maria Rimpi, Jokkmokk Foto: Privat
Agnes Maria Rimpi, Jokkmokk Foto: Privat

Dál fargga ođđa mearkagirjji jođus!

Agnes-Máridjá Rimpi: Dav oabme girjje bådij ja dát álgij sjaddat boares.
1:23 min

Leago dus váttisvuohta gávdnat rivttes mearkkaid go leat meahcis dahje dihtora haga? Dál fargga čoavddus muhton čearuide, go guokte nuorra nieidda, leaba álggahan iežaset UF-fitnodagas dahkat ođđa mearkagirjji.

- Danen dat lij gietja gávtse jage gå mángemus girjje bådij ja dát álgij sjaddat riek adno. Ja dat la moadda ådå merka .

Agnes-Máridjá Rimpi ja su ustit Isabell Osnes leaba fuobman dahkat ođđa mearkagirjji. Sudno mielas lea otná mearkagirji menddo boaris ja gollan. Dál leat boahtan olu ođđa mearkkat ja muhton mearkkat leat molssun eaiggáha.

Prošeakta bistá cuoŋománu guokte duhát gávccinuppelot rádjái ja dalle gávdno girji oastit báikkálaš gávppiin. Rimpi ja Osnes leaba dan girjái maiddái váldán mielde guokte Jiellevári čearu, Unna tjerusj ja Jiellevári vuovdečearu, dan dahka girjjin eronoamašin. Dasa lassin leat Sirges-Duorbbun-, Slakka-, Udja- ja Jåhkågasska tjiellde mearkkat mielde. Girjái lea dárbu.

- Mij lip ságastam ulmutjij ja sij javlli dát la riek buorre plána.  

Soai leaba ásahan nu gohččoduvvon UF-fitnodaga, Ung Företagsamhet. Dat  lea oahpahusorganisašuvdna Ruoŧas ja ulbmil dainna leat oahpahit joatkkaskuvlaohppiid jođihit fitnodaga. Oahpahus lea guhtta mánu guhkki, dan oanehis áiggis eaba geargga áppa dahkat, dušše girjji.

Mearkagirji galgá leat álkit mielde váldit go miessemearkumiidda vuolgá. Girji galgá leat nu stuoris ahte cáhká báhkárii.

- Mij gálggap adnet A6 formáhta, dat galggá årrut unne.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".