1 av 2
Neavttár Ánne Márjá Blind
2 av 2
Neavttár Ánne Márjá Blind Foto: Jenny Israelsson Skoglund/Sameradion & SVT Sápmi

Teáhter lea su eallin 

Ođđa rádio-dokumenteara govvida neavttára Ánne Márja Blind guhkes eallima. Mánnávuođa rájis Gárasavvonis ruoŧa náššunallávdái Dramatenii Stockhoalmmas, ja maid teáhter mearkkaša su eallimis.

Lea buvttadeaddji Jenny Israelsson Skoglund gii lea dahkan dokumeanteara Ánne Márja Blind birra.

-Son lea dahkan dan maid son lea duođai háledan vaikko su biras, ruoktu ja su bearaš, su olbmot eai obba diehtán ge mii teáhter leai ge ja eai háledan ahte son galgá vuolgit muhto son vulggii ja dagai dan maid háledii. Son čuovui iežas váimmu.

Ánne Márja Blind riegada Gárasavvonis 1937 ja bajášsaddá boazodoalus. Su veahka bággejuvvu stáhtas johtit ođđa guovlui ja sii gárte Sulitealbmái. Ánne Márja liiko lohkat ja lohka visot maid gávdná, aviissaid ja girjjid. Dat rahpet su čalmmiid ja son ohcala vearaldii. Váhnemiid dáhtu vuostá vuolgá oahpuid gazzat ja gártá vuosttaš sápmelažžan beakkán Dramatenii Stockhoalmmas. Teáhter ja neaktin lea dan rájis leamas su eallin.

- Mon nu gáibidedjen vuosehit dovdduid ja dan garra eallimis mas mii eliimet doppe eai lean nu ollu, got don galget dovdduid vuosehit, got don máhttet vuosehit ahte don čierut, illudat, suhtat. Addit olggos ja muitalit, mon nu hálededjen álo muitalit. Ii lean nu ollu áigi dasa, eallin leai garas, dadjá Ánne Márja Blind.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".