Åsa Nyström, easka válljejuvvon ođđa bispán Juleva bismagottis.
1 av 2
Åsa Nyström, easka válljejuvvon ođđa bispán Juleva bismagottis. Foto: Benny Lindberg/SVT Nyheter Norrbotten
Karin Vannar ja Bitte Päiviö Nygård, Sámiide Buorrin bellodagas Johkamohkis
2 av 2
Ná ilolaččat leaigga Karin Vannar ja Bitte Päiviö Nygård go sudno bellodat lihkostuvai bures girkoválggas. Seammá ilolaš lea Karin Vannar go gullá ahte ođđa bispá lea nissonolmmoš.

Vuosttaš nisson bispán Juleva bismagottis

Åsa Nyström, Upmis eret, lea vuosttaš nissonolmmoš gii šaddá bispá Juleva bismagottis. Nu čielggai go jienat bismaválggas leat dárkkistuvvon.

- Lean ilolaš ja giitevaš dan stuora luohttamušas, dadjá Åsa Nyström.

Son oaččui 267 jiena oktibuot 533 jienas, dat mearkkaša 50.09 proseanta jienain ja vuoitá čielgasit Anders Göranzon badjel gii bođii nubbin 119 jienain.

Karin Vannar, ságadoalli Sámiide buorrin bellodaga Johkamohkis, juste dal rátkagárddis Suorvvas ilostuvva go gullá dan sága.

- Wow, man hávski ja somá gullat ahte viimmat nissonolmmoš válljejuvvu dan virgái! Vuohččen leat girkoválggat manan nu buoragit mu bellodahkii ja dal dát ahte nisson álgá bispán, illuda Karin Vannar.

Dal leat Karin Vannaris vuordámusat ahte ođđa bispá lokte oidnosii sosiála áššiid nu got vealaheapmi ja givssideapmi go son jáhkká ahte nissonolbmožis lea eanet beroštupmi dakkáriidda. Sus lea maiddái vuordámuš ahte ON:a konvenšuvdna ILO169 oažžu eanet saji Juleva bismagottis.

Åsa Nyström lea 57 jagi ja bargá otne báhppan Uppsala bismagottis. Son álggii báhppavirggi Julevis 1991 ruoŧa girkus ja lea bargan oahpaheaddjin, studierektorin ja maiddái váldodoaimmaheaddji Budbäraren aviissas.

Goalmmát beaivvi geassemánus boahtte jagi Åsa Nyström vihahuvvo bispán Uppsala duopmogirkus earkebispás Antje Jackelénas ja logát beaivvi geassemánus váldá Juleva bismagoddi su vuostá Juleva duopmogirkus. Son šaddá dasto Juleva bismagotti ovccát bispá ja vuosttaš nissonolmmos, dan rájis go bismagoddi ásahuvvui 1904.

Relaterat

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".