Mikael Svonni. Foto: Nils-Josef Labba/ SVT Sápmi
Mikael Svonni. Foto: Nils-Josef Labba/ SVT Sápmi

Sániid gávnnat áppas

Dal it dárbbaš šat sátnegirjji girjehámis, go dat gávdno áppan. Dat lea Mikael Svonni maŋŋemus sátnegirji mii lea šaddan áppan.

- Dat galgá leahkit álki geavahit ja mus lea leamáš nu gohčoduvvon beta-veršuvdna goit badjel mánu mainna lean geahččalan. Dat álkkida mu maid barggu oba olu go sáhtán ain geahččat soames sáni maid in riekta muitte juste, dadjá Mikael Svonni, čálli ja áppadahkki Ravda lágádusas. 

Vuođđun dán áppii lea Mikaela Svonni davvisámi - Ruoŧagielsátnegirjji mii almmohuvvui 2013. Gávdnojit ge máŋga- ja juohkelágán sátnegirjjit sihke girje- ja webbahámiin, muhto hui unnán áppahámis.

Penšunerejuvvon sámegielprofessor Mikael Svonni lágádus, Ravda lágádus, lea beannot jagi bargan áppain ja áppa ođasmahttojuvvo ođđa sániiguin geažos áigge.

- Mis lea dal jurdda ođđasit deaddilit dán sátnegirjji ja mon lean bargame dainna, soaitá boahtte jahkái válmmas. Seamma áigge de viiddidit dán áppa nu ahte dasa maid bohtet mihá eanet sánit.

Makkár sáni háliidat vel oažžut mielde áppii?  

- Na, mon jurddášin dalle go mátkoštin oba olu Romssa ja Girona gaskkas. Ja mii sániid dat lea go mátkošta guvttos, muittán ahte oktii ságastin Pekka Sammalahtiin ja moai ságasteimme pendelastima birra. Dat lea dakkár sátni mii vissásit boahtá mielde boahtte geardde.

 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".