Urørt, NRK Sápmi
Urørt Foto: NRK Sápmi

NRK ohcá nuorra árttistaid

NRK Sápmi ja P3 ohcet nuorra sámi taleanttaid. Lea go dus šuokŋa man lávllošit/juoiggašit tv-njuolggosáddagis guovvamánus 2018?

Dál lea dus dat vejolašvuohta.

Sáddes šuokŋa-liŋkka NRK Sápmái. Oaččut eanet dieđuid NRK Sámi siiddus
Fágajoavku de árvvoštallá dan, ja de soaittát leat don, guhte čuoččut lávddis, go mii ávvudit sámi nationálabeaivvi. Ávžžuhit nuorra sámi taleanttaid ohcat, 15–30 ahkásaččaid, geain duođai lea miella lávket musihkkamáilbmái.

Dieđihanáigemearri lea ođđajagemánu 5. beaivi 2018.

– Mii diehtit ahte leat ollu nuorra sámit, geat čállet ja ráhkadit ođđa lávlagiid. Dál lea áigi fállat sidjiide vejolašvuođa beassat oidnosii, ja dovddusin šaddat sihke Sámis ja Norggas, dadjá NRK Sámi direktevra Mona Solbakk.

NRK Sápmi čuovvu Urørt-vuogádaga, mii ollugiidda lea oahpis P3 bokte. Fágajoavkkus lea olbmot, geat barget Urørtain ja geat dovdet sámi musihka.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".