1 av 2
Duojár Karin Vasara.
2 av 2
Duojár Karin Vasara. Foto: Stefan Karlsson/ Sameradion & SVT Sápmi

Náhkkegoarrun lea su eallin

Duddjot lea álo leamaš guovdu su eallima. Gáren Vasara álggii juo mánnán go etniinis goarui ja vuvddii diŋggaid turistaide. Dal lea guhká juo jođihan duodjefitnodaga ja juohkán iežas máhtu ollu gurssaid bakte, miehtá sámi.

 Inslaget om Karin Vasara och hennes slöjd är textat.

 - Mus lea veahá dat oaidnu ahte min váhnemat ja dat boarrásat, sii oahpahedje nuoraide maid sii máhtte. Ja danin dat lea nu rikkis sámi duodji danin go dat gorrojuvvo goase juohke dálus ja juohke ruovttus, ahte dat lea nu stuora beroštupmi ja jáhkán dat lea beare sámiid gaskkas dat lea nu, dadjá Gáren Vasara. 

- Eadni lea mu stuora ovdagovva ja lea dehálaš ahte mis leat ruohttasat mielde ja eadni lea duođain álohii čuovvun mu.

Eadni lea mu stuora ovdagovva.

Vaikko lea ollen ealáhahkii, de ii áiggu heaitit bargat. Danin go bargu lea su eallin ja ealáhat ii galgga bissehit eallima. Iežá plánat eai leat. Ja dal lea fas válbmeme dán jagáš Johkamohki márkaniidda beassat vuolgit vuovdit ja čájehit iežas dujiid. 

- Mon dieđán makkár eallin lea, ihttá beaivvis in dieđe maidege, ii goit go dán ahkái lea boahtán olmmoš. Válddan juohke beaivvi nu ahte iđđes go badjánan de jurddahan otne dagan dien ja dien ja dien, muhto in guhkibu. Áidna mii mus lea, lea ahte Johkamohki márkanii mon gal vuolggan.

Inslaget är textat: Duodji har alltid funnits i hennes liv. Karin Vasara sydde redan som liten tillsammans med sin mor och sålde slöjd till turister. Sedan dess har hon drivit det egna slöjdföretaget och delat med sig av sin kunskap om skinnsömnad på många kurser.

 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".