Liv Inger Somby.Foto: Lars-Ola Marakatt/Sameradion.
1 av 2
Liv Inger Somby. Foto: Lars-Ola Marakatt/Sameradion.
Sámi Allalskuvla geasuha eambbo nuoraid.
2 av 2
Ohcanáigi deikke beassat lea ihttin. Govven: NRK Sápmi, Ewa-Marie Hedman

Sámi Allaskuvla viiddida sámi journalisttaoahpahusa

Son ávžžuha buohkaid ohčat journalisttaoahpahussii
11 min

Bassin lea maŋŋemus beaivi ohčat Sámi allaskuvlla oahpahusaide mat álggahuvvojit čakčat. Maŋŋel moatti jahkásaš bottu de lea fas vejolašvuohta lohkat journalistihkka.

- Hui rámis go sámi allaskuvla álggahit journalisttaoahpahusa fas, dadjá oahppokoordinator ja lektor Liv-Inger Somby NRK Sámeradioi.

Go maŋŋemus geardde dollojuvvoi sámi journalisttaoahppu, 2013-2016, de leai dušše okta gii čađahii dan.

Muhto dál vurdet allaskuvllabealis eanet ohcciid go leat geahččalan viiddidit oahpahusa. Sosiála mediaide ja multimediagelbbolašvuhtii bidjojuvvo eanet deaddu go journalisttaoahpahus fas dollojuvvo Sámi Allaskuvllas Guovdageainnus.

- Mii vuorohit journalistihkka ja filbmenoahpu. Mis galgá leat ovttasbargu internašionála sámi filbmainstituhttain, dadjá Liv-Inger Somby.

Golbma jahkásas oahpahusas sáhttá maid vuorohit govvejeaddjioahpu muitala Liv-Inger Somby gii lohpida ođđaseamos teknihkka oahppide geat álget.

Son muitala ahte sáhttá dahkat peršuvnnalaš studeantaplána ja oahppit bohtet beassat bargat journalistalaččat olgoriikkas moadde vahku.

- Ovddes journalisttastudeantat leat leamaš Fijis. Muhto mii leat gávnnahan ahte go min orrut árktalaš guovllus de min boahttevaš journalistat galget oahpastuvvat árktalaš guovllu hástalusaide, muitala Liv-Inger Somby.

 

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".