Londonrenar.
Foto: Reuters
Buorre iđit Sápmi

Bohccot biinniduvvojit turistafitnodagain Stuora-Británnias, oaivvilda elliid suodjalanorganisašuvdna

7:46 min

Elliid suodjalanorganisašuvdna Animal Aid lea čalmmostahttán bohccuid dili Stuora-Británnia turistafitnodagain. Sin mielas bohccot mat Stuora-Británniai bohtet Ruoŧas, Norggas, ja Suomas njulgestaga biinniduvvojit.

Elliid suodjalan rganisašuvdna lea filbmabihtáid almmuhan gos oaidná movt bargit sihke čikčet ja láhttejit fasttit bohccuid vuostá. Govain oaidná maid ahte bohccot leat guoirasat ja muhton bohccuin leat hávit.

Animal Aid ávžžuha dal olbmuid heaitit mannat doaluide gos bohccot leat, ja erenoamážit juovllaid áiggi.

Nils-Johan Utsi, Sirges čearus, hirpmástuvai go oinnii man heajos dilli bohccuin lea Stuora-Británnias. Son lea ieš leamašan Skottlánddas gosa su čeahci Mikkel Utsi sirddii bohccuiguin 1950-logus. Dal lea ođđa bearaš váldán badjel su boazodoalu ja Nils-Johan Utsi muitala ahte dat veahka lea hui várrogas iežaset bohccuiguin ja ahte dain bohccuin lea hirbmat buorre dilli.

- Doppe bohccot vázzet luovos, doppe leat duoddarat gos besset leahkit ja eaige unna gárddážat man siste šaddet eallit.

Son ii jáhke ahte geavvá bissehit turistafitnodatdoaimmaid mas bohccot leat oassin, danin go Stuora-Británnias lea nu garra árbevierru ahte boazu lea juovlastálu ealli.

- Mus gal livččii miella goddit eret daid bohccuid. Bohccot eai galgga dárbbašit biidnahuvvat ja dakkár dilis eallit, Nils-Johan Utsi dadjá.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade avsnitt i menyn under "Min lista".