Lea Simma
Lea Simma Foto: Privat

Mii háledit čalmmustahttit su barggu

3:57 min

Dal bearjadaga lágiduvvo Paulus Utsi muitoeahket doallu Johkamohkis ja dat lea Girječálliid guovddáš Tjállegoahte gii lágida doalu.

Paulus Utsi leai sámi poehta ja duojár. Su veagas ledje geasseláidumat Norgga bealde ja dálveláidumat Ruoŧas Gárasavvona guovllus. Go son leai mánná de fertii su veahka gierdat bággojohtima Gárasavvona guovllus Johkamohki guovlui. Rávesolmmozin šattai fas johtit máŋgii go Stuor Juleveanu dulvadedje. Máŋga su divttain govvidii son sámi álbmoga dáistalemiid ja fámohisvuođa. Iežá divttain fas govvidii ráhkisvuođa luondui ja bohccui.

1974 almmostuvvui su diktagirji "Giela giela" ja Su nubbe diktagirji "Giela gielain", almmostuvai vihtta jagi maŋŋel su jápmima 1980. 1992 almmohuvvui "Don čanat mu alccesat" čoakkálmas man Nils Aslak Valkeapää almmustahtii. Jahki 2000 almmustuvai "Följ stigen" nammasas girji masa ledje čohkken Paulusa teavsttaid 1941 rájis gitta 1974 rádjái.

Dal bearjadaga lágiduvvo Paulus Utsi muitoeahket doallu Johkamohkis ja dat lea Girječálliid guovddáš Tjállegoahte gii lágida doalu.

Tjállegoađi láidesteaddji Lea Simma muitala dás álggus manin sin lágidit dán muitoeahkeda.

Paulus Utsi riegádii 1918 Ivgumuotkis Tromssa fylkkas, ja son jámii 1975.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade ljud i menyn under Min lista