Disney Frozen 2-filbma sámegillii

3:04 min

Fargga ohcagoahtá Disney davvisámegielat jietnaneavttáriid filbmii. Sámegielat Frozen lea boađus Walt Disney Animation Studios-fitnodaga ja sámi ásahusaid ovttasbarggus, čállet Disney ja sámi ovddasteddjit oktasaš preassadieđáhusas.

Frozen 2 Amerihka vuosttaš eahket lea skábmamánu 22. beaivvi dán jagi. Sámegielat veršuvdna galggašii almmuhuvvot juovlamánus oktanaga davviriikkalaš veršuvnnaiguin.

Davvisámegielat filbmaveršuvnna dahkama jođihit ja gozihit Disney ovddasteaddjit. Gieskat almmuhii joavku nuppi Disney-animašuvnna, Moana Tahiti, Hawaii ja maorigillii.

Eambbo dieđut vel dán jagi

Filmma hápmedettiin jođii bargojoavku Islánddas, Norggas ja Suomas. Golggotmánus diibmá gallededje Norgga beal sámedikki filbmaovttasbarggu olis. Frozena buvttadeaddji Peter Del Vecho mielde váikkuhii sámiid galledeapmi sidjiide garrasit.

Preassadieđáhusas čállet Frozen 2 filbmadahkkiid ohcalan ja ožžon rávvagiid sámi bargojoavkkus muhtun osiide filmmas. Daid inspirašuvdnan leamaš filbmadahkkiid mátki Sápmái.

Eambbo dieđuid ovttasbarggu sisdoalus lohpidit almmuhit dán jagi mielde.

- Rápmásat ja giitevaččat

Sámi parlamentáralaš ráđđi ja Sámeráđđi leat ovttasráđiid rávven Disney filmma dagadettiin. Sámedikkiid ja Sámeráđi njunnožat Aili Keskitalo, Per-Olof Nutti, Tuomas Aslak Juuso ja Åsa Larsson-Blind čállet oktasaš cealkámušas ná:

“Mii leat rápmásat ja giitevaččat ovttasbarggus Disney Animationin. Mii leat ilolaččat go sámi mánáide addojuvvo vejolašvuohta oaidnit filmma Frozen 2 iežaset eatnigillii. Mii leat hui duđavačča go sáhttit dáid ođđasiid muitalit dál go ON ávvuda Riikkaidgaskasaš jagi eamiálbmotgielaid várás”, celket sámi presideanttat.

Kultuvrralaš sensitivitehta lea leamašan hástalus ovttasbarggu oktavuođas, mieđiha Ruoŧa-Samedikki stivrra sagadoalli, Per-Olof Nutti.

- Lea leamašan hástalus sihke midjiide ja sidjiide, lohka son.

Frozen - máimmi bivnnuheamos animašuvdnafilbma

Almmuhuvvoi 2013.

Máilmmi buoremusat dinen animašuvdnafilbma (bileahtadietnasa mielde).

Bálkkašuvvon guvttiin Oscariin: buoremus animašuvdnafilbma ja buoremus lávlla dovdonuohta "Let it go" ovddas.

Sámi musihkkar Frode Fjellheim leamaš fárus dahkamin filmma musihkka.

Muitalusa vuolggasadjin leamašan H.C. Andersena dovddus "Jiekŋadronnet"-máinnas.

Filmma váldonásttit Elsa ja Anna leat šaddán mánáid oiddohin ja ovdagovvan. Sutno skihpárat leat muohtaáddjá Olaf, jiekŋaalmmái Kristoff ja su heargi Sven.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade ljud i menyn under Min lista