Ruoŧa Sámediggi oaivvilda ahte moaitámušat sámi bázahusaid hávdádan proseassas eai doala deaivása

7:29 min

Ruoŧa Sámedikki stivrra ságadoalli Ber Ovllá Nutti /Per Olof Nutti, ii bija nu stuora deattu moaitámušaide Sámi bázahusaid hávdádan proseassa birra danin go Sámedikki kulturlávdegoddi ja etihkalaš ráđđi leat dahkan doarvái buori barggu son lohka.

Sámirádio lea ovdal muitalan ahte 12 sámi moite sámi bázahusaid hávdádeami proseassa birra mii čađahuvvui Likssjuos mannan lávvordaga. Sii geat moite ledje earret eará artista ja áktivista Sara Ajnnak, Marie Persson Njaita, gii oassálastá Ruoŧa Sámedikki duohtavuođakommišuvnna bargojoavkkus, sámepolitihkkár Marie-Louise Boman, Landsförbundet Svenska Samer bellodagas ja filbmabargi Oskar Östergren Njaita.

Moaitámusat ledje earret eará ahte eanet sámit livčče galgan oažžut oasálastit planerenbarggus, ja seremoniija lei galgat dollot, jorgaluvvot ja dulkojuvvot sámegilli ja ahte ráđđehus livččii galgan máksit buot goluid nu ahte ii livčče šaddan prošeaktabargu dego dal ja maiddái ahte duohtavuođakommišuvdna ferte čohkket boasttuvuođaid mat leat dahkkon sámiid vuoste Ruoŧabeale.

Ruoŧa Sámedikkis lea ovttasvástádus bargat sámi bázahusaid hávdádeami áššiin. Ja Sámedikki kulturlávdegoddi ja etihkalaš ráđđi leat Bier-Ovlla Nutti jelgii bargan doarvái buoragit dáinna áššiin.

-Dás gal leat Sámedikki kulturlávdegoddi ja etihkalaš ráđđi dahkan buori barggu ja leat oassálastán dán barggus ja leat leamašan mielde nu ahte dat geat moitet ahte sámit eai lea leamašan mielde proseassas. Dat ii doala deaivása, lohka Ber Ovllá Nutti /Per Olof Nutti, Sámedikki Stivrra ságadoalli.

Ber Ovllá Nutti maid lohka maid ahte okto Sámediggi ii nagot dahkat dakkár bargguid go sis eai leat nuogis ekonomalaš návccat dasa ja dalle ovttasbargu lea buorre. Son maid čilge ahte Ruoŧa stáhta boahtá ásahit duohtavuođakommišuvnna gos dakkár jearaldagaid ja áššiid sáhttá ovdanbuktit.

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet:

Du hittar dina sparade ljud i menyn under Min lista