Marainen: Surgat go báhpat maid leamaš mielde

5:58 min

Háhpáránddis leai odne seminára gos sámedikkepolitihkkarat besse oahppat eanet dan sevdnjes historjja birra go hávdáduvvon sámit šadde gávpegálvun.

Oktanuppelohkái dávvirvuorkkás ruoŧas leat ain bázáhasat, dákterikkit, oaiveskálžžut, dávttit mat leat goivojuvvon ja muhtin muddui rievviduvvon sámi hávddiiguin.

Vihtta máhcaheami ja hávdádeami leat dahkkon sámis 1995 rájes. Guokte norggabealde, okta suomabealde ja golbma ruoŧabealde. Maŋŋemusat Likšus västerbottenis borgemánus dán jagi.

Semináras odne muitalii earut eará dutki Carl-Gösta Ojala Uppsala Universiteahtas, sámedikki etihkkalaš jođiheaddji Mikael Jakobsson ja dávvervuorkábargi Adriana Aurelius sin vásahusaid ja oainnuid birra sámedikkepolitihkkariidda. Ja dat leai juoga mii oaččui Marianne Marainen:a jurdilišgoahtit:

- Dál goit veháš eanet álgá ipmirdit dan proseassa. Got dat leat bázahasaid váldán dološ hávddiin ja vuovdán dutkiide ja institušuvnnaide. Hui surgat gal ahte jur nie lea dáhpáhuvvan ja go báhpat leamaš seagis. Dat lea dego ii livčče duohtage.

Lars-Ola Marakatt SR Sameradion och SVT Sápmi
lars-ola.marakatt@sverigesradio.se

Grunden i vår journalistik är trovärdighet och opartiskhet. Sveriges Radio och SVT är oberoende i förhållande till politiska, religiösa, ekonomiska, offentliga och privata särintressen.


Vuođđu min journalistihkas lea luohtehahttivuohta ja bealátkeahtesvuohta.Ruoŧa Rádio ja Ruoŧa TV leat sorjjasmeahttumat politihkalaš, oskkolaš, ruđalaš, almmolaš ja priváhta sierraberoštumiid ektui.


Läs mer om hur vi bedriver vårt arbete:
Loga eanet mo mii doaimmahat bargguideamet: