Sture Fredriksson och Tomas Olofsson. Foto: Bertil Isaksson.

EU-projekti hajottannu kylän, eli hyvän alku?

EU-rahat hajotit kylän
7:22 min

Studio Sisu 9.5.2012

Riita EU-projektista on hajottannu Junosuanon kylän Pajalan kunnassa. Projekti piti oikeasthaan antaa vauhtia kyläle, tehjä sen vahvemaksi ja hyväksi esimerkiksi toisilekki kylile.

- Ulkopuoliset halusit ottaa ideoila yli kylän jo toimivat föreningit. Tämä ei ole tuonu muuta ko riitaa kylhään, sanovat EU-projektin kriittikerit

- Muutaman reaksuuni on enempi pölköä ko syyttöä. Projekti halusi juuri nostaa Junosuanon kylän ja ottaa taltheen sen maholisuuet, sannoo Tomas Olofsson, projektinvetäjä.

- Eikhän tämä kaosi ole uuen alku, sannoo Sture Fredriksson, liederprojektin puhheenjohtaja.

Niin sanottu leader-projekti "lerning by doing" piti saa vauhtia Junosuanon kylhään ja kyläläiset yhtymhään. Mutta nyt parin vuen jälkhiin näyttää ette kylä on enempi hajalansa ko koskhaan ja pienessä 400-asukhaan kylässä tullee jopa kaks eri kilpailevaa lehteäki.

Valituspreivissä lääninhallituksheen, jonka vanhaa intressseföreninki on kirjottannu meinathaan ette se 700.000 kruunua mitä tähän on myönetty on pyhkimässä pois itiellin, vapaehtoset voimat kylästä. Ette rahat on menheet miehele ja hänen firmale Piitteossa. Miehen nimi on Tomas Olofsson. Hän on alunperin Junosuanosta Joka ei piä kritiikkiä niin vakavanna.

Tunne on se ette Tomas Olofsson tuli ulkopuolelta ja halusi ideoila ottaa yli, entiset ei kelvanheet, ja vielä, tehjä bisnistä.

Sture Fredriksson on ollu liiteri-projektin johtoryhmän puhheenjohtaja. Mitä hän tästä mitä on saatu aikhaan eu-rahala.

Tomas Olofsson. Hän halvais tehjä Junosuanon esimerkiliseksi kyläksi. Semmosta saattas johta se mitä hän kuttuu kyläforyymmi, ryhmä joka eustaa kyllää ulospäin, on esimerkiksi kunnan kans yhteyessä. Ko poliittisilla puoluela ei ennää ole kannatusta, väkeä on vaikea saa vapaehtosseen työhön, niin häätyy keksiä jotaki uutta.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".