Room service! Aika soma tämä hotelli elämä! Kuva: Adam Rönnbäck

Heti loppumassa

Viikko on menny täälä Vietnamissa. Oikeen sopeva maa ja häyn sanoa ette on aika soma ko näkkee muuta ko tyristiä katuila. Vaikka kyllä niitä backpackeriä on täälä ki ko vain hakkee vähän. Paras kaikesta on ilman muuta hinnat. Eilen saima murkinan, jälkiruan ja kolme cocktailiä 42 kruunula, ja hotelli täälä maksaa vähempi ko backpacker hosteli Austraaliassa. Maksama noin 100 kruunua yön ja fruukosti on tietekki ilmainen! :D
 
Ensimäiset päivät olima Ho Chi Minh Cityssä, issoin kaupunki maassa. Liikene oli aivan hullu!! Ei täälä noita vihreitä äjiä ole, jos haluaa yli tien, ei se ole ko vain marsia. Ja toinen asia, kaikila on mopo täälä. Vain oikeen rikkhaat ihmiset (ja niitä ei kyllä ole niin monta) omistavat piilin ja kaikki muut ajavat mopoa. Uskon ette soon aika hyvä, olis kauheasti piiliä muuten.
 
Nyt olema ollheet kolme päivää Nha Trangissa, pikku semesteripaikka aivan meren vieressä. Vesi on lämmin ja aurinko kauhean kuuma. Huomena otaama mopon ylös vaarhoin ja sitten hyppäämä yöbysshiin joka viepii meät takasin Ho Chi Minhiin. Aika alkaa loppua, meän iso seikkailu on heti yli. IM COOOMING HOME!
 
/Elina <3

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".