Jos kaikila olis tämä...Kuva: Elina Isaksson Kruukka.

Mitäs jos se olis sinun arkipäivä?

Aattele ette eläisit toisessa todellisuuessa. Toisessa arkipäivässä. Heräisit joka aamu yksin, sinun mamma nuukumassa teeveen eessä, vodkapullo käessä. Aattele ette aukaset ruokakaapin aamula ja et löyvä muuta ko purkin "Bullens Korv" ja kovvaa leipää fruukostiks, siksi ette sie tiät mihinkä ruokarahat katoavat. Sie tiät miksi sulla ei koskaan ole varraa ostaa uusia vaatheita, ja miksi opettajat ja luokkakaverit viskuttelevat ko sie marsit siutti koulussa. Sie tiät ette mammala on iso ongelma mutta et saata mithään tehhä. Hunteerat, ette piiain hän
ei rakasta sinua kylliks. Hän ei välitä. Hän tykkää parempi viinapullosta ko sinusta. Aattele vain. Mie aattelen. Olisimma kos pärjänheet?

Aattelen mikä tuuri mulla oli. Mikä tuuri mulla on.

/Elina

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".