Ei hättää! Kuva: Ella Kruukka.

Sattaisit vaikkaa muuttaa mailmaa!

Tietenki mie haluaan perheen. Miehen. Lapsen. Talon. Mutta vain jumalat tiätävät koska se tapahtuu. Mie haluaan keritä niin paljon elämässä. Ja työn ki sitten pitisin löytää. Työn missä triivastun oikeen hyvin. Mutta ei hättää, mie otan lygnisti. Uskon ette se tullee ko se tullee. Sis perhe ja työ. Ja eihän siinä ole mithään. Kyllä hän unityö ja perhe menevät hyvin yhteen. En ymmärä ihmisiä jokka meinaavat ette sitä häätyy valita. Työelämän vain perheelämän. Mie uskon, ette jos on hyvä ja hauska työ niin sitä hän voipii hyvin itte, ja ko itte voipii hyvin niin saapii energiaa muutheen asioihin elämässä kans ko vain työhön. Energia joka saatta olla rakkaus eli voima. Energia jota saattaa jaata esimerkiksi perheen kans.

Vaikka sitten se hän olis vähän vaikea jos mulla olis piluutti uniammattina. Jos lentäsin ees takasin maan ympäri joka päivä. Silloon piiain olis vaikea hoitaa perheen samala kerrala, mutta en sano ette se olis mahottomuus. Ei ainakkhaan. Jos sitä haluaa jotaki kyllin paljon en usko ette on mahottomuuksia. If you can dream it, you can do it! Vain ko uskot itteä saattaisit vaikka muuttaa mailmaa!

Rakkausta Elinalta <3

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".