Hymyilen aurinkossa.

Yhessä

Meilä kaikila hän on hyviä ja huonoja päiviä. Joskus herrään aurinkon valhoon ja hymyilen varsin ko aukasen silmät. Joskus tuntuu siltä ette en haluaa nousta ylös ollekkaan. Mutta olen ilonen siittä ette niitä hyviä päiviä on paljon enempi ko niitä huonoja.

Ette hymyilen enempi ko mitä itken. Ette ossaan nauttia elämästä. On vaikea hunteerata miltäs se tuntuis jos olis päinvaston. Mutta tiän ette monele se on niin.

Itku on lähempi ko nauru. Ja suru lähempi ko ilo. Toivon ette saattaisin levittää minun iloa ja minun naurua toisile. Ja piiain mie saatan. Piiain met saatama. Yhessä. Vain ko met muistama toisia. Kuuntelema ja autama. Olema sielä. Rakastama.

Pusu ja ahai Elinalta <3

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade ljud i menyn under Min lista