Kuva: Elina Isaksson Kruukka.

Ko mie saan kertoa ja opeettaa niile

Kieli on osa minusta. Olen ylpeä minun kielestä, ja kiitolinen siittä ette sain meänkielen varsin ko tulin mailmhaan. Se kertoo mistä mie tulen ja kuka mie olen. Ja häyn sanoa ette ko mie kohtaan uusia ihmisiä mie yritän aina jollaki mallila sanoa sen, ette puhun meänkieltä. Tuntuu niin hyvältä ko net tykkäävät ette soon niin "häftigt", eli vielä parempi, ko net ei ens tiä ette meänkieltä on ja mie saan kertoa ja opeettaa niile. Tullee itku silmhiin ko hunteeraan miltä se tuntuis jos mie en sais puhua minun kieltä, aivan niinku se saatto olla ennen aikhaan. Ko soli kieletty puhua meänkieltä, suomea ja saamen kieltä koulussa. Ko niitä jokka puhuit sitä mopathiin...

Toivon ette sie niinku mie uskalat olla ylpeä ja kerrot mailmale sinun kielestä. Sillä mallila mie uskon ette met piämä kieltä elävännä.

Ahai! /Elina

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".