Niin paljon maholisuuksia. Kuva: Elina Isaksson Kruukka.
Gränslöst

Vähän paniikki juuri nyt

Nyt soon aika. Aika valita mitä mie haluan tehhä elämässä. Viiestoista päivä apriliä hakemus universiteethiin pittää olla valmis. Häyn sanoa ette mulla on vähän paniikki juuri nyt. En ole vielä varma ette haluan alkaa lukemhaan nyt jo syksyks, mutta jos mie kesän aikana keksin ette haluaan, niin se hän olis hyvä jos olisin kuitekki hakenu johonki koulhuun. Nyt aattelen lukea kokiks. Solis kauhean hauska matkustella mailmaa ja olla töissä vähän missä vain. Pizzeriassa Italiassa, Sushibaarissa Aasiassa ja niin pois päin. 

Mutta sitten tullee toinen kysymys, missäs mie luen kokiks? Yks ruottin paremista kokkikouluista on sanottu olla se Grythyttanissa. Keskelä mettää monta monta pelikuormaa kotoa, Örebron lähelä. Jos sinne lähen niin en mie muuten ko vain jouluks ja kesäks tulis kotia, ja kyllä se tuntuu vähän surulista... Mutta olen varma ette olis hauska oppia tuntheen uuen paikan ja uusia ihmisiä. Niin miks ei? Saamapa nähhä, jos en mene sinne niin olen vaikkapa Eteläamerikassa opimassa espanjaa.

Pusu Elinalta! 

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".