Romska trätallriken Divano pa le kaštone tijaria

Divano pa le kashtune tijaria

Divano pa le kaštone tijaria
7:07 min

O šav holailo pe peske romni. Nas leske drago so phenelas pa leko dad. Aj či mekhla pala late te bešel o phuro rigate. Akana svako džes, džes ando džes bumbotilas leski romni pa o phuro.

Sas pe kaj nas pe, te na avelas na sas-te phenen-pe.

De but, but berš palpale ande Russia trailas jek phuro dad peske šavesa aj borasya. O trajo lengo laśo sas aj savoře sas raduime. Le berš źanas angle aj e familja butolas.

Kaj o šav aj kaj e bori sas le jek šav aj savoře sas raduime. Maj gela duj, trin berš aj sas len maj jek šav ande familja. O papo merelas anda peske duj nepotsi. Von sas leske duj jakha. Numa sar sas pe, sar nas pe, phurolas o papo, džes pala džes.

Svako džes tholas e familja skafedi aj bešenas savoře pala skafedi aj xanas. Vi o papo bešelas peske familjasa aj xalas, numa phurimastar leske vast isdranas aj leske jakha manas gada laśe. Kana o phuro xalas vi pheravelas aj vi makhelas. Univar vi pheravelas e řoj anda peske vast kana xalas, numa gada si kana phurol o manuš. La boriake nas lake mišto ke o phuro pheravelas aj makhelas kana xalas. Jek džes lel voj aj phenel peske romeske.

-         Tjiro dad phurelo mo, vi pheravel aj vi makhel kana xal. Sar sas te avel te thodamas skafidi le phureske paša o bov, te xal korkoro? Atunči šaj xal sar kamel.

 Pala jek vramja da leke pa šero,  aj vo gelotar avri ande šupa aj laśarda jek kaštoni cinoři skafedi peske dadaske aj thodales paśa o bov.

Tate, dikh so laśar-dem thoke, beš tuke khate te šaj xas hodinime.

O dad le šavesko ačarda so źal. Či phuterda pesko muj. La o skamin aj thoda-pe paśa o bov te xal. Le berš gele maj angle aj savoře sas raduime. Jek džes kana sas te xan, bi te na kamel pherada o phuro pesko tijari. O tijari padželi ande jek mija khotora.

E bori benjali ande xoli aj la te sipil po phuro. Lako rom asavel- la aj phenel lake ke naj bajo, o papo phurolo. Numa e bori či ašeli, bumbotilas aj bumbotilas pa pesko tijari. Sostar či laśares leske jek řoj aj tijari kaštono te na maj phagel lake kutči vasori.

O sav tristosajlo. Numa te šaj avel les pača ando kher, kerel vo godo so voj phenel leske. Źal vo avri kaj e šupa kaj si leske ferizori aj lel aj laśarel jek tijari kaštono aj jek řoj kaštono peske dadeske. Po dujto džes kana sas te xan, la o šav aj da kaj pesko dad leske neve vasori kaštone, te šaj xal. Akana sas pača aj hodina ando kher.

Le nepotsi dikhle so źal ando kher aj dine pe gindo. Kam si maj mišto te kheras vi ame sa gada sar amaro dad. Le duj pral gele avri ande šupa, line duj khotara kašt aj line-pe te laśaren. Pala duj, trin džes dikhel lengo dad aj dej ke le šave sa avri le ande šupa. Len pe von te źan avri te dikhen so von kheren? Kana dikhle, pušle von:

-         So si kaj kheren, mure šave? Le šave den anglal aj phenen:

-         Dam amen gindo ke akanaš san vi tume phure aj trubol tumen pe jek tijari aj řoj kaštono te šaj xan. Sa  kasavatar kaj dan tume kaj amaro papo.

Datunčiara či maj bešelo o phuro korkoro paša o bov te xal, le kaštone vasonensa. Akana huravel e bori e skafedi le maj šukar tijarensa aj o papo phešel lensa pala e skafedi.

Te či mule, bešen von aj xan vi adžes.

Our journalism is based on credibility and impartiality. Swedish Radio is independent and not affiliated to any political, religious, financial, public or private interests.
Du hittar dina sparade avsnitt i menyn under "Min lista".