Jåhkåmåhkke

Rievsakjuobtjav biedemijn ja rievsak carpaccio

Rievsakbivddo Fankki  Erikijn Gamassavvunin manáj buoragit. Jåhkåmåhkkåj vuodjájiv nieljijn buore rievsagijn. Galggiv dal Greta Huuva sáme biebbmomálestiddje lusi. Uddni galgaj åhpadit muv láhkkit njálga rievsagijt. 

Gå boadáv sisi tjiehkaj, habsidav njálga hájáv varás lájbijs. Árrat ideda rájes Greta l lájbbum. Vuosedav sujni ávulattjat ietjam rievsagijt.

Dåjddemladnjaj tjuovov gånnå návrrahijt dåjddå ja gárveda. Sån dåjddembävddáj låggŋi rievsagijt ja bahkeda dålgijt ja tjoajvev válldá åvddål gå láhkkigåhtin rievsagijt.

Gå lin málestam rievsagijt de dávdijt såhpin ja liebmaj biergojt biedjin. Greta åhtjå gabáv, jáfov ja binnatjav vijnas, Madeira, ja sägoda liebmaj. Nälggáv gå dåbdåv njálgá hájáv rujtas, gå Greta låggŋi låhkev. Jubttja l gárves.