Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Julevsámebåddå / Program på Lulesamiska
Juhán Stålka omgiven av mamma Susanne Fallqvist och pappa Per Niila Stålka. Foto: Anna Sunna
Ståkhoalmma

Iltjestuváj gå tsujpev anij

Bárne gitta válldin ja tsábmestin suv ja ednamij gahtjaj
10 min

Vásse mánnodagá nielljalågenan vuoras bárnne, Stålka Juhán, iltjestij Märstan Ståkhålman gå sujna lij tsujppe,sámeålmmá gahper. Tsábbmudaláj bárnijs ja tjiebeda birra suv garrasit anedin. Dáhpádus la ilmodam polijssaj valla e ájn diede gudi iltjestin Stålka Juhánav.

Stålka Juhán javllá, balodak galggá máhttet plássan vádtjet ja vuosedit ietjas kultuvrav.

- Lav fällam ja soajttá ij lim dat buoremus tjoavdos valla lav ávon gå javlliv dajda amás bárnijda.

Sån manná giehttjit klássan Märstan. Mánnodagá gå rádnajnisá skåvllåj lij vádtjemin de amás bárne suv ganugahttin ja tsábbmudaláj gå sujna lij tsujppe, sámeålmmá gahper.

Juhána äjgáda libá goappátja balldum dáhpádusás. Fallqvist Susanne la Juhána ieddne ja sån javllá dat la tjervas gå ballat galggá ietjas identitehtav ja kultuvrav vuosedit.

Stålka Per-Niila, Juhána áhttje, giehttu jut Juhán muhttin árggan tjágŋá sáme biktasijda degu njálmmefáhttagij ja galsogijda. Sån la agev årrum mihá sábmen årrot. Hárvon sån la gullam ulmutjijt sámijt tjiellat. Sån jahká dát dáhpádus ij la sámij vuossti. Dan diehti gå udnásj sebrudahka l buorre sámij vuossti, gåjt Ståkhålman sån javllá. Valla diehttelis gávnnuji bieriga gåsi ájn boahtá.

Juhán ij jáhke sån tsábbmudaláj dan diehti gå la sábmen. Valla diehttelis gájka diehti man muodok sámegahper la. La vájvve gullat gåk vástes moalgedimijt tjuorvvi gå boahtá váttje.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".