Sápmi Awards Foto:Carl Johan Utsi
Jåhkåmåhkke

Stuor dájddár nammadam Sábme Awardaj

” Mån lav viesso konstnära”
10 min

Ij la des mälggat stuor sáme guddnebálkkáfestivállaj/Oskargalaj, Sábme Awardaj. Mij la Jåhkåmåhken vahkkoloahppa, 15-16 biejvijt biehtsemánon. Soajttá hähttu ådå tjáppá hiervvidum gábdev goarrot ja silbajt gilldedahttet dán stuor dáhpádussaj.

Sábme Awarda galggá vuojnnusin dahkat sáme kultuvrav ja sámetjähppudagáv. Dat la gilbos gånnå li niellja kategoriddja. Juohkka kategoriddjan li guhtta kandidáhta masi máhttá jienastit. Akta kategoriddja l duodje, dájdda ja hábmem. Dasi dájddár, Rimpi Maj Doris, la nammadam.

Vuoddjájiv giettses rahte milta Bárrenjárggáj,Stuor juleväno gáttev, ålggolin Bårjjusav. Bäjvádak lij ja Stuor julevädno lij suddagoahtám ja tjáhtje slirggodij bäjvádagán. Dan bále lidjiv mujna biejvvelåttåtja tjoajven gå diehtiv galggiv stuor dájddárav, Rimpi Maj Dorisav, gávnadit. Sån la viessomav barggam dájddárin. Gå lidjiv vuodjam rájrre rahte milta de ållijiv Maj Dorisa sjalljuj. Ietjas bråvnån tjuottjoj ja siejvij mujni jut lidjiv njuolgga dåhpåj ållim. Bessiv gullat gåk sån juo mánnán lijkkuj hábmemij ja duodjaj. Giehtoj mujni suv viessomav dájddárin . Diehttelis gátjadalliv sujsta, gåk dåbddå gå Sábme Awarda lahkana.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Du hittar dina sparade avsnitt i menyn under "Min lista".