Elsa Sájvva-Gånågisá rijkan, vuostasj oasse: Tjáhtjegierraga vuolen

9:50 min

Elsa tjuovvu áhtjev ja vieljav guollitjit. Idedis biejvve várrejávrátja nali bájttá ja Elsa la muorjijt tjoaggemin. Valla hähkkat alla sjtutjáv gullá. Viehkev! Dähppum lav, Mattias tjuorvvu…

Rájdo birra
Elsa Sájvva-Gånågisá rijkan la geldulasj ja oavdos giehtto Elsa Laula birra gut gähttjal áhtjes ja unnavieljas gádjot gudi libá jávre vuolláj Sájvva-Gånågisá rijkan virddum.

Elsa Laula lij almma ulmusj
Juska dát la subtsas de Elsa Laula lij almma ulmusj. Sån lij jállo ja ájnas ja sámij riektáj viessoma tjadá bargaj.

Sájvva-värált
Subttsasin Elsa Sájvva-Gånågisáv iejvvi gut ietjas rijkan årru. Sájvva l dagu ietjá muodugasj värált, gånnå umasse sámij basse ilmeniera ja hálde årru.

Sájvva l tjáppa, tjuovggis sadje, valla gássjel la väráldij gaskav mannat. Jus riekta lidjin dåssjå noajde, sámij basse nissuna ja ålmmå gudi dav nahkin. Sájvva-ulmutja lidjin fávro, ja javllin sijá älo lidjin dåssjå bedjada.

Almmavuohta ja subtsas tjuolmmasi aktan
Mánnáradio subtsas Elsa Laula birra segat åsijt sáme mytologidjas ja Elsa Laula almma viessomis. Dán subttsasa Elsa ij oalle jalik almma nissun sjatta.

Sämmi bále ihkap subtsas ájádusájt buktá gåktu l udnásj biejve nuorra sábmen viessot. Jur dagu Elsa, sámemáná viessu guovte väráldin – sáme ja dáro – ij la agev nav álkke.

100-årsjubileum 100 jahkásasj ávvudibme
Subttsasin Elsa brevajt ja girjijt tjállá. Dav almmavuodan aj dagáj. Tjoahkkij sámijt vuostasj rijkkatjåhkanibmáj Roandemin jagen 1917. Subttsasin gåhtjoduvvá ”tjåhkanibme nieljijn biekkajn”. Tjåhkanibme ávvudallá 100 jage ávvudimev jagen 2017.

 

Tjálle: Johan Sandberg Mcguinne ja Anne Wuolab

Oavdástalle: Elina Israelsson

Tjuorgge: Emma Fox Sandberg

Buvtadiddje: Jenny Israelsson Skoglund

Jårggåliddje: Lisa Lyngman Gælok

Musik som spelats i avsnittet

  • 06.54
    Eva Demmelhuber - Ehrlich gelogen - Die Lüge: Eine evolutionsbiologische Notwendigkeit, Kapitel 13
    Album: Ehrlich gelogen - Die Lüge: Eine evolutionsbiologische Notwendigkeit
  • 06.55
    Dulcetoxico - Tornasol
    Album: Canciones de Sangre y Cianuro
    Bolag: Dulcetoxico