- Nevimata thaj aktualitetura pe romani chib

30 min
Adjes shaj te shunen kakal artiklura: USA:s presidento o Barack Obama agori peski shvedicko vizita le krajesa thaj la krajaskinjasa djupun tradeltar maj dur ando St:Petersbug. Aba lel te pashol le khangerango alosaripe ando Shvedo thaj adjes shunena sostar si vazno te alos. Helsingborg komuna si jekh anda le panch pilotkomuni save kheren butchi la romana strategiasa. Thaj si jekh bersh aba de sar laspe kado projekto, adjes shunena dji kaj avilas o Helsingborg la butchiasa thela kado bersh. Sas kade ke naklan biljetongi kontrola po SL, atunchi shaj hohade tu ferik, avilas avri informacia ke le aparaturi kaj kheren kontroli pe biljetura sako dujto phagerdoj kade ke le kontrolantura ferk kheren pe ke kheren kontrola.